ZERO (Closed)

最近同朋友係旺角食左一款喇沙醬pizza。。事源係晚飯時間，同朋友行街行到攰又未諗到食咩，見到呢間西餐廳既pizza 口味種類特別。。(九唔搭八）就吸引左入去🙈我地叫左喇沙海鮮薄餅，一個意粉同兩杯沙冰🤤馬來喇沙海鮮薄餅 $138Pizza 好似得薄批，呢個pizza有蝦、帶子、魷魚，。喇沙醬、芝士。。喇沙海鮮好似米線口味黎，不過套落pizza度就多左份異國風情。薄餅香脆鮮味，醬料微辣開胃，喇沙同芝味係夾得埋既溫泉蛋忌廉煙肉飲管意粉 $105😍最愛流心蛋丫！！蛋黃撈咩都正，飲管型麵條索晒d精華，d煙肉粒就太肥啦、無味。意粉美味搭夠😋（左）脫脂乳酪沙冰 士多啤梨，菠蘿 $42（右）朱古力OREO沙冰 $42呢d天氣食飽飲番杯沙冰，冰冰涼涼咁正丫！脫脂乳酪沙冰加左士多啤梨同菠蘿，沙冰細滑，酸酸甜甜，清新，消濟！朱古力OREO沙冰無想像中濃味，淡淡的，普普通通。