越南人 (Closed)

今日放學放點半,約BABE去旺角食野,行黎行去,見到有間越南人同隔離泰國人都未試過,結果BABE話想試依間多D,就入左去,一入去,無人講歡迎光臨,但又唔係忙WO,坐左係角落位,可能間鋪太細,坐得好辛苦,望下個MENU,我叫左個雞絲金邊粉,BABE叫左個豬脾肉飯,飲品要左個羅望子冰同青檸冰,結果...個金邊粉好油,雞絲其實係海南雞切絲,但D肉好鞋,唔好食.BABE個豬脾肉就OK啦,不過最恐怖都係杯野飲...杯羅望子冰我飲左一啖,D味十分怪好似酸梅湯但又好淡,無咩甜味,BABE見我飲到個樣咁,結果俾左杯青檸冰我飲,諗住會好D啦,點知係超級甜,有青檸但真係好甜,結果我要去買珍珠奶茶飲,,,服務態度差,食物又差,無下次.