京都勝牛 (Tower 535) (Closed)

今日同男朋友齊齊請左下午假，首先醫肚先。所有套餐均附送麥飯、椰菜沙律、味噌湯，仲可以續加。元祖炸牛排套餐餐廳選用美國及紐澳牛肉，以高溫快炸60秒，炸衣酥脆金黃，肉心三成熟，呈粉紅色，驚太生可以自己再係燒爐上熱多陣。牛肉肉質嫩滑多汁，牛肉選用翼板部位。霙花翼板牛排套餐翼板即係牛既肩膀部位，比元祖炸牛排多左蘿蔔蓉同蔥花，多左清爽既口感。我自己覺得三成熟都已經好好食，食得出係靚牛。芒果奇異果味有汽特飲酸酸甜甜，顏色幾sharp。白桃蒟蒻冰茶甜度相對比較低，多左蒟蒻可以咬下。