Chapter 1 Cafe (Closed)

早幾日 早放左工 想上去樓上cafe坐下hea下 食個飯 行行下去左恆威商業中心我同樓下個看更八下有冇咩推薦 佢同我講6樓新開 於是我上左6樓睇下 一出lift 見到呢張圖鬼馬入到去坐 環境比我想像中好 似美式鄉村酒吧格局 都幾靚 坐低之後一個相信店主嘅物體過黎同我講佢地新開 開左個幾星期 佢地個卡邦尼其他客人都幾喜歡 推薦我可以試試佢 佢話佢地有dinner set 有湯有包有野飲 價錢都唔算貴 個湯佢話佢地主打三款 每日隨機新鮮自家制 今日係菠菜忌廉湯 聽到咁有heart於是我落單之後佢地以快過譚仔嘅速度上左個包同湯比我鬼馬過多陣個卡邦尼都上左黎 大家都知卡邦尼用蛋黃去撈 我個人係鐘意厚身嘅口感嘅 佢個蛋黃夠香 撈出黎個質感夠厚 好岩我口味 撈完之後 我食第一啖 蛋黃嘅香 煙肉嘅脆 面條嘅彈 完美融合係呢碟卡邦尼入邊 之後我都為表敬意 以費達拿開波嘅速度食晒成碟 成個過程就好似戀愛一樣 由未食嘅期待 到第一啖嘅甜蜜 最後食晒嘅空虛 走果時我同店主講 I will be back弱水三千 只取一瓢飲 世界有好多嘅卡邦尼 但我諗 我已經搵到最適合自己嘅卡邦尼