Go Inside Kitchen (Closed)

今日呀媽生日，唸住book間好餐廳一家人食下飯，特登想試下觀塘工業大廈裡面d西餐，上網見呢間好評如潮。。即刻book位。。去到見到門口好簡單，無乜裝修，仲一行入去見到廚房好污糟，嚇一嚇。。明明記得好多工廈既餐廳係好好，點解我會揀左間甘既。。但我記得好多人讚好呢度d食物，同自己講人不可貌相，點知想要bb椅又無唒，我都明先到先得既，甘佢地唔知拎左張有張墊既椅子俾我，希望墊高高少少幫到我，但我bb係敏感性皮膚，坐左一陣已經開始R腳，最後都唔要呢張應該好污糟既椅子。。。其實當晚呀媽好準時到左，亦都叫定左餐，我地六個人都係叫dinner set,而佢地成晚不斷解釋即叫即煮，所以連湯都等左好耐。。。結果成個幾鐘之後先食到個沙津。。等左好耐先有主菜。。如果你話好好食既，你都會覺得值得，但係絕對唔係。。雖然唔係好難食，但如果二百幾三百幾dinner set,應該可以話唔值，煙三文魚pizza 好油，d油必唒出黎同d芝士溝埋一齊，口感好差。黑松露闊條麵，個味道唔好食而且好乾身。。。三文魚帶子應該我個姐姐都煎得好食過佢。。個漢堡我無試不過我見到我呀嫂扁哂咀。。因為見評價好好忍唔住要寫第一篇食評，唔想有人好