Video
Read full review
2017-11-10
152 views
其實木嘴對於打邊爐係OK既，因為求其掉晒D料落個煲度一滾就搞掂，無需左諗右諗食乜，果種自由奔放既感覺對於木嘴呢個有選擇困難，又對食物無要求既騎呢人黎講係至關重要。之但係，打邊爐就試得多，今次受朋友推介，試食呢個芝士加雞煲呢個地獄組合，就真係第一次。坐底望望個餐牌，原來有好多鍋底可以揀，除左雞煲仲有其他特色打邊爐湯底同埋烤魚，全部都係$138任食，都幾抵玩喎。但今次黎既目的係食麻辣芝士雞煲（要加$10），所以都無乜理其他鍋底就落單喇。呢度仲有個自助小食bar，有魚蛋呀青瓜果D，成個feel就好似去左深圳東門咁。而當我望望用黎拎野食既碗，更加確信自己返左大陸...基本上所有碗仔都係勁污糟既，唔係有漬就係成隻碗黃咁咁，木嘴真係企左喺度揀左好耐先搵到個望落乾淨既。如果有閣下有潔癖，建議閣下自備濕紙巾抹一抹先，唔係真係totally no mood to eat。不過唔計隻碗，佢個自助小食bar D野確係幾好食既。等左一陣，個芝士雞煲終於黎。呢個煲超多芝士，每舊雞都勁重芝士味，加上D雞個皮仲脆脆地又辣辣地，食頭果幾舊係覺得幾好食，甚至驚死蝕底同朋友鬥快夾走D雞驚俾對方食晒。但食多幾舊之後開始愈食
坐底望望個餐牌，原來有好多鍋底可以揀，除左雞煲仲有其他特色打邊爐湯底同埋烤魚，全部都係$138任食，都幾抵玩喎。但今次黎既目的係食麻辣芝士雞煲（要加$10），所以都無乜理其他鍋底就落單喇。
呢度仲有個自助小食bar，有魚蛋呀青瓜果D，成個feel就好似去左深圳東門咁。而當我望望用黎拎野食既碗，更加確信自己返左大陸...基本上所有碗仔都係勁污糟既，唔係有漬就係成隻碗黃咁咁，木嘴真係企左喺度揀左好耐先搵到個望落乾淨既。如果有閣下有潔癖，建議閣下自備濕紙巾抹一抹先，唔係真係totally no mood to eat。不過唔計隻碗，佢個自助小食bar D野確係幾好食既。
等左一陣，個芝士雞煲終於黎。呢個煲超多芝士，每舊雞都勁重芝士味，加上D雞個皮仲脆脆地又辣辣地，食頭果幾舊係覺得幾好食，甚至驚死蝕底同朋友鬥快夾走D雞驚俾對方食晒。但食多幾舊之後開始愈食愈膩，慢慢有D頂唔順陣味，未食哂啲雞就舉手投降拿拿林加湯打邊爐算。
百幾蚊任食有咁多野揀都幾良心，我就叫左黑毛豬肉，木耳，青口，雲舌等等既配料，木嘴不嬲對食物無乜要求，食得飽就得，呢度仲要係任食，理應係木嘴嘅天堂，但當芝士加上佢個無乜味既湯底之後，硬係覺得陣味怪怪地，食得唔係好舒暢。
其實D配料幾好食，但如果可以比我再揀，我唔會再揀芝士，因為實在係太膩，嚴重影響之後既食慾。但如果閣下係芝士中毒者或者係靠注射芝士維生既，木嘴都可以建議閣下一試既。
Post
