Video
Read full review
2015-08-21
1890 views
我對食物要求可高可低，算是能屈能伸的那種，但當我有意要食好野時，就所有味蕾都很認真。炸鷄脾從來都是我的最愛之一，見這間日月星這麼出名，好評如潮，仲個個都話此炸鷄脾非同小可，全港第一之類，實在令小弟蠢蠢欲動，不得不試。難得今日有幸有些空檔，就專程搭地鐵一試。 到餐廳後，都沒有被環境影響食欲，因為我是為炸鷄脾而來，就點了隻炸鷄脾，小弟向來說話都算清楚，老板娘多口再問多一次是茶餐還是飯還是什麼等，我都不以為意，就重伸要淨炸脾，之後就坐下並興奮地等待此人間極品美食。不到一分鐘的時間，連桌上的配置都未看清楚，就眼尾見到廚房送出一隻炸脾於出餐處，當時心諗，咁快，唔會係我既，又見有位哥仔食緊飯，咁後生，食多隻炸脾都唔出奇，又見隔離位呀生未有野食，又可能係佢，點知說時遲那時快，廚房就大叫邊個炸脾，再望兩個座上客冇乜反應，先接受現實，認頭啦。望著隻脾，乾乾地，唉是但啦，又見到有手套提供，心諗，又幾細心，但以我三十年過外既食鷄脾功力，從來單手一隻叉攪掂，但見只得膠叉提供，怕易斷就用木筷代替，都冇問題。開始啦，第一口，我習慣食上脾頂端角那位置，通常是又炸得香，又不致於太乾，但一咬下去，真的很乾，好啦，咁好啦
炸鷄脾從來都是我的最愛之一，見這間日月星這麼出名，好評如潮，仲個個都話此炸鷄脾非同小可，全港第一之類，實在令小弟蠢蠢欲動，不得不試。
難得今日有幸有些空檔，就專程搭地鐵一試。 到餐廳後，都沒有被環境影響食欲，因為我是為炸鷄脾而來，就點了隻炸鷄脾，小弟向來說話都算清楚，老板娘多口再問多一次是茶餐還是飯還是什麼等，我都不以為意，就重伸要淨炸脾，之後就坐下並興奮地等待此人間極品美食。
不到一分鐘的時間，連桌上的配置都未看清楚，就眼尾見到廚房送出一隻炸脾於出餐處，當時心諗，咁快，唔會係我既，又見有位哥仔食緊飯，咁後生，食多隻炸脾都唔出奇，又見隔離位呀生未有野食，又可能係佢，點知說時遲那時快，廚房就大叫邊個炸脾，再望兩個座上客冇乜反應，先接受現實，認頭啦。
望著隻脾，乾乾地，唉是但啦，又見到有手套提供，心諗，又幾細心，但以我三十年過外既食鷄脾功力，從來單手一隻叉攪掂，但見只得膠叉提供，怕易斷就用木筷代替，都冇問題。
開始啦，第一口，我習慣食上脾頂端角那位置，通常是又炸得香，又不致於太乾，但一咬下去，真的很乾，好啦，咁好啦，當佢只係邊位太乾，咁今次再咬中間有皮既位置啦，真係好脆，但肉冇肉汁，唔嫩仲要有d鞋，仲要唔入味，陣皮又冇調味，又唔熱，簡單d又客觀d黎講，成隻炸脾得一個字形容，脆！如果主觀d黎講呢，就係差！
可能係我期望太高啦，所以覺得此炸鷄脾不只天上有，根本周街都係，所以我覺得連個價錢都好唔合理，20蚊一隻咁質素就好似唔太相稱。小弟覺得大x樂都仲好d, 起碼人地做到入味，脆，同juicy.
此食評是小弟第一個食評，完全因為我對炸鷄脾的那份堅持同執著，有緣的話可能會有第二篇。
Other Info. :
食脾前我對一切都很包容，但食脾後就感覺老板娘並無其他食評所提到般親切友善，地方麻麻但價錢不平。
(The above review is the personal opinion of a user which does not represent OpenRice's point of view.)
Post