樂怡餅屋 (Closed)

上星期五先從討論區發現呢間餅店, 心諗美心餅店一個cake都要百幾蚊啦, 即管打去問下, 仲趕唔趕得切訂一個蛋糕比3歲生日既囡囡, 職員好helpful, 而且佢地好flexible, 我地人唔多, 職員話1lb訂蛋都可以畫圖案, 大家都知, 畫一個圖案都要花時間, 1lb蛋糕價錢已好平, 真係非常好, 最後訂左一個2lb既芒果蛋糕, 面頭畫上白雪公主, 仲要唔使我落訂, 到攞餅時先比錢去攞餅時, 都無為意雪櫃有我訂既白雪公主蛋糕, 聽到有途有讚靚, 先望到, 真係好開心, 美中不足係個咀有少少歪, 但係朋友話似同囡囡講生日快樂喎, haha到夜晚食蛋糕, 原來唔止個樣靚, 仲好好味, 海綿蛋糕非常軟熟, 芒果亦非常新鮮, 好甜, 最重要係好足料, 係返屋企既途中, 已覺個蛋糕好重, 好足磅, 切開後, 佢中間個層芒果layer好足料, 囡囡好開心咁, 係咁挖中間既芒果出黎食真係好開心, 因為呢個蛋糕, 我囡囡有一個好開心既生日