糖·公館 (Closed)

食一個甜品，等自己開心下。入到黎未有客可能剛剛做生意，打攪左老世工作，不過佢都好好招呼，態度友善有禮。環境係小店形式，不過格局環境都很標緻純樸。睇下有咩食先，今次冇緣晚餐，下次先食，所以主攻甜品，選擇我最愛的榴蓮窩夫配芋頭雪糕。食物上枱，有棉花糖粒粒伴碟，窩夫可能新鮮造，好脆口，加上冰凍榴蓮餡同雪糕，溫度味道配搭得宜。食完打完卡，完美離開，下次要再試熱食。