滬小館

Open Now

Now Closed

今朝冇食早餐，晏晝好鬼肚餓，所以揀咗食呢間好飽肚嘅上海午餐。呢間上海餐廳午市有套餐供應，肚餓d可以揀前菜＋主食＋小食，可以加$5要罐裝汽水或豆漿。今日一行六人嚟食午餐，根據之前經驗d小食份量非常多，所以我哋分別叫咗6個前菜、6個主食同4個小食。主食我叫咗雲吞拉麵，雲吞有4隻，拉麵份量好多，如果食晒就食唔落小食。佢小食嘅份量真係好多，紅油抄手有6粒餃子，小籠包有4粒，鍋貼有3隻，真係好足料。特別要介紹個鍋貼，個面煎到好靚，入面都有肉汁。到最後都係食唔晒啲小食，下次可以嗌3個小食就夠啦。