咖啡韓食 (Closed)

尖沙咀係韓食天地, 我成日都黎食,通常都係炸雞韓燒居多今次人少少諗住食下普通韓食,順便試下新野OPENRICE一下,就揀左呢間,貪仍夠多選擇又唔貴點知就中伏我地叫左芝士蛋卷,泡菜豆腐鍋,牛肉鍋芝士蛋卷,係OK的,因為有芝士既野基本上都唔會差得去邊。加上雞蛋亦都係少伏之選,只不過太有"家的味道",能覺同自己o係屋企煎既炒蛋無乜分別牛肉鍋是友人所點,因為佢唔食辣。我自己試左一啖,覺得有點啖,之前食開既通常係濃一點,甜味重一點的。不過可能自己又重口味,友人覺得還可以的。到我的豆腐鍋呢個真係好奇怪呀! 睇個樣都已經覺得有點稀,食落更加覺。得個辣字,無左應有既味道。食過好多間既豆腐鍋,未必間間都覺得好好食,通常都係普普通通.但呢間就真係唔好食。可能其他野食好食D?因為無乜OPENRICE食評參考,所以揀左伏野都唔奇。