一素食譜

Open Now

Now Closed

今日在官塘APM做完運動，下午茶時段突然好想食素食，就喺openrice度隨便search一間，見到呢一間評分都算高嘅，就即管嚟試下。舖頭位於東廣場地下，坐位唔太多，大概20個位，有堂食有外賣，菜單望落唔算貴嘅，一般係50蚊左右，包一個正餐同埋會送一碗素湯。本人好鍾意食酸酸甜甜嘅嘢，所以我就叫咗個素咕嚕菇菇飯 。上枱賣相都ok嘅，但食落口呢，係好酸！得過酸字！嗰個咕嚕醬，真係大失所望，個廚只係將啲茄汁再撈咗啲醋同埋加啲鹽，所以成個整體上好酸囉！我完全食唔到我平時最鍾意食嘅咕嚕味囉！ 好難捱先食完嗰碟飯， 嗰啲素肉係冇問題嘅，但係個醬就破壞咗成個感覺 ！ 咕嚕醬根本就唔係咕嚕，只係茄醬， 完全唔係嗰回事囉。我會再去幫襯，再畀多次機會，下次食第二樣嘢，睇下有冇機會評分上，畀返佢高分啲， 唔想對呢間舖頭一錘定音！