功德林上海素食 (世貿中心) (Closed)

松茸燉愉耳   $88由於呢排少飲湯嘅關係，同老公一人點左一碗從松茸燉愉耳，每一啖湯都好香甜，有從松茸味，好滋潤。上海烤夫   $88前菜點左個上海烤夫，質感有啲似海綿豆腐，醬汁甜甜地，仲有冬菇、爽口雲耳、毛豆做配料，一舊接一舊，食唔停口。酥炸三絲雞卷  $98跟住重點咗個酥炸三絲雞卷，開頭以為外面好似春卷咁脆，但係原來係軟身。入面包左甘筍絲、芹菜絲、冬菇，熱辣辣上枱，加埋甜酸醬，好醒胃。高力豆沙    $68甜品點左高力豆沙，師傅手工好，每一粒都炸到金黃色，而且大小均勻，灑上糖霜，鬆軟嘅外層，加上入邊軟稔嘅豆沙餡，好懷念細個嘅味道。豆腐花配桂花蜜      $58新出品嘅木桶豆腐花，自家製作，木桶裝住。每一啖都好有豆味，加上糖漿唔係用傳統嘅糖水，而係改咗用桂花糖漿，所以特別香甜，唔會蓋過左豆腐花嘅味道。