Schnee German Restaurant (Closed)

平時喺香港好少會搵德國菜食，之前去完德國，覺得德國菜對我黎講好特別，今次就黎聲稱正宗嘅德國餐廳，搵返嗰種味道。海鮮蕃茄清湯好足料，好大碗，隻碟大，深度都幾高！一碗有好多湯！好濃嘅蕃茄煮出黎，仲有好沙沙嘅口感，係薯仔嘅功勞。薯粒都唔少，香草薯仔蕃茄煮埋一齊好鬼夾！飲完都飽飽地！香焗苹果金寶伴vanilla汁好新鮮嘅苹果批，層皮類似酥皮，唔油膩，苹果好新鮮！好大粒！vanilla sauce唔會好甜，mix埋苹果批令表面層皮無咁熱，好鬼正！香煎大蝦南瓜意大利飯食落少少甜嘅意大利飯，飯質比較軟，唔重奶味，可能南瓜係打碎左先拌落意大利飯度煮，食落唔會有纖維嘅口感。大蝦無咩味，肉質尚可。招牌脆皮德國燒咸豬肘招牌真係招牌超級美味！好大份豬肘，係咸嘅，層皮燒到勁脆，但唔係一味乾！脂肪都燒到得返少少，肉質好有味！唔un!Pretzel 係麵包質感，仲好好味！軟硬適中！德國經典薯仔湯好重薯仔煮嘅湯，又係有香草，仲有紅蘿蔔同香葱，飽肚嘅湯！唔咸，口感好full body!