Video
Read full review
2017-04-09
552 views
今日同個朋友喺銅鑼灣行完街梗係要食下好西，實在太耐冇見過，所以特登揀咗呢個有德國風味而且音樂都幾澎湃嘅一間德國餐廳。一入到去入邊好熱情氣氛好high所以會食得好開心，令到我哋呢餐飯都食得幾好同埋暢所欲言。枱面方面都幾整齊。點了兩個湯，第一個係海鮮番茄清湯，個湯都幾清甜幾香海鮮味，而且入面有一個蝦同帶子都幾大粒而且唔會有腥味，入面有少少蕃茄嘅果肉同其他蔬菜可以食下，可以健康少少。第二個係傳統匈牙利熱燉牛肉湯，個湯係加強版嘅羅宋湯不過就好飲好多。一來濃啲同入面有少少牛肉可以咬下。二來可以點吓個包一邊食一邊飲湯，加上牛肉味所以會令你好快飲晒同埋會有少少辣辣地，幾正。可以試下。兩個女仔夜晚比較鍾意食菜健康啲，第一個叫咗德國香腸沙律，香腸切做一片片擺喺面頭加埋啲芝士食唔會太鹹，而且下面會有大量蔬菜例如火箭菜等等可以清下身體嘅腸胃。加上有少少酸瓜令到口感味道都較為豐富，不過如果可以多番少少沙律汁會比較好，因為會有啲乾。另一個係得個牛肩野菜沙律，牛肩食唔出有咩牛味，當係普通少少生肉撈埋沙律食都唔錯的。而且攪碎左溫泉蛋會無咁大腥味都唔錯。最重要係有好多菜式啲菜都幾新鮮同幾爽脆。主菜方面只係叫左傳統西班
點了兩個湯，第一個係海鮮番茄清湯，個湯都幾清甜幾香海鮮味，而且入面有一個蝦同帶子都幾大粒而且唔會有腥味，入面有少少蕃茄嘅果肉同其他蔬菜可以食下，可以健康少少。
第二個係傳統匈牙利熱燉牛肉湯，個湯係加強版嘅羅宋湯不過就好飲好多。一來濃啲同入面有少少牛肉可以咬下。二來可以點吓個包一邊食一邊飲湯，加上牛肉味所以會令你好快飲晒同埋會有少少辣辣地，幾正。可以試下。
兩個女仔夜晚比較鍾意食菜健康啲，第一個叫咗德國香腸沙律，香腸切做一片片擺喺面頭加埋啲芝士食唔會太鹹，而且下面會有大量蔬菜例如火箭菜等等可以清下身體嘅腸胃。加上有少少酸瓜令到口感味道都較為豐富，不過如果可以多番少少沙律汁會比較好，因為會有啲乾。
另一個係得個牛肩野菜沙律，牛肩食唔出有咩牛味，當係普通少少生肉撈埋沙律食都唔錯的。而且攪碎左溫泉蛋會無咁大腥味都唔錯。最重要係有好多菜式啲菜都幾新鮮同幾爽脆。
主菜方面只係叫左傳統西班牙烤乳豬加香脆薯條，由於我哋晏晝好遲先食同食完沙律已經差唔多飽。所以淨係叫咗一個主菜過下口癮。燒乳豬啲肉都幾多而且幾厚，同中國於唔同嘅係啲皮薄啲同好似餅乾咁脆，二入面啲肉亦都會冇咁鹹啱啱好。最鍾意食係隔離嘅薯條同一般薯條唔同係比較乾同扁不過就好脆。而且有少少鹹鹹地咁。所以成個餐都會好脆同熱氣要飲多啲飲品。薯條比較係當小食咁食。隔離有少少酸酸地椰菜時可以食多少少中和乳豬同薯條的油膩。
甜品方面兩個人share左香焗蘋果金寶半雲呢拿汁，似係蘋果批不過呢邊就好隨意入邊嘅蘋果就焗到好軟，好似食緊好甜嘅蘋果蓉咁，最好食係雲呢拿汁因為有少少白朱古力溝埋一齊好好食下次可以試埋呢個雪糕。
最後食物同環境嘅質素都唔錯下次朋友相聚可以在黎過，氣氛幾好。
Post
