Manecy's Studio Restaurant (Closed)

銅鑼灣鬧市中一個充滿歐洲色彩既餐廳，除左擺設、沙發、街景之外，最鍾意就係佢既紅磚牆，特別有外國風味。飲品除左自助既蘋果汁、橙汁、氣水同茶之外，亦有歐洲啤酒、紅酒白酒、Cocktail，應有盡有。自助小食除左沙律、炸物、德國漬物同水果，仲有Cold Cut既意大利巴馬火腿、挪威煙燻三文魚、英國燻牛肉、英國火雞火腿同德國蘑菇火腿。Cold Cut既誠意小食媲美酒店既自助餐。自助餐亦可以另叫主打既脆爆鹹豬手同各種主菜，亦有其他小食。脆爆鹹豬手果然名不虛傳，皮脆有口感，鹹味強烈得黎亦唔會太重味，可以多叫多食！芝士卡邦尼意粉味道有啲淡，略嫌芝士味不足63度溫泉蛋配黑松露醬，一啖放落口全口充滿濃郁既蛋黃味加上嫩滑既口感，加上黑松露醫配合少量既鹽，彌補左普通溫泉蛋味道單調既不足，好食！忌廉芝士蘑菇釀雞翼都值得一提，雖然睇落普通，但加上不同既調味，一口咬落去嫩滑得黎味道豐富！𣎴同種類既腸，真正歐洲風情。西班牙海鮮燴飯配檸檬汁，開胃開胃！三款微辣既串燒，非常惹味！整體唔算多款式既食物但係款款都精心製作，自助餐大吃大喝一流！