Brotzeit German Bier Bar & Restaurant (形點 I) (Closed)

第一次係香港食德國菜，呢間Brotzeit German Bier Bar & Restaurant係商場入面，氣氛好好～有唔同既德國菜式揀，不過個人覺得必嗌既一定係德國豬手！雖然食物質素唔錯，不過就真係有啲貴。1️⃣精選拼盤（$828） 有齊德國烤焗豬手、蜜汁烤豬肋骨、同埋四款德國肉腸。豬手皮好脆🤩入面既肉唔會乾，食落啖啖肉好滿足～豬肋骨好容易做到骨肉分離～蜜汁味香甜。而德國肉腸每款有兩條，唔同口味咩都食到啲～另外仲有兩款side dish可以揀，揀左德國酸椰菜同埋德國麵包餃。酸椰菜解膩一流！然後德國麵包餃好有特色，好似一舊薯糰咁。  2⃣️巴伐利亞芝士麵糰（$178） 芝士麵糰一粒粒咁，有好多芝士🧀️share食啱啱好。  3⃣️黑森林火腿薄餅（$188） 火腿鹹香配上火箭菜、芝士片同埋黑醋調味，唔錯～餅底係薄薄地既，切好左四四方方一件件咁好方便分黎食。