德國餐廳 (翠怡花園) (Moved) New Location

今日朋友嚟咗大埔海濱公園放風箏 🪁 玩到咁上下就順便係大埔呢區食埋飯，佢話想食德國菜，所以我就帶咗佢嚟呢間德國餐廳。餐廳裝修用上木材同磚頭打造出德國風格，令整個用餐氛圍更好。主菜未嚟之前叫左羅馬生菜包牛小扒 🥩 生菜好爽口，包住肉汁豐富嘅五成熟牛小扒，無得頂超級正。🤤香腸拼盤除咗有三款德國香腸外，底下仲有炸薯角，飽肚感十足 😋 每款香腸都各有特色，有幾款仲係爆汁。德國鹹豬手非常大隻，而伴碟就係非常醒胃嘅酸菜同透心涼嘅薯仔沙律，餐廳非常細心將豬手切好先上枱，豬手外皮脆卜卜，內裹肉肥瘦適中。