想甜嚐甜

Open Now

Now Closed

想甜嚐甜有各種口味嘅心太軟，但味道、口感都一般，而且店員安排得差。事因我哋入座5分鐘後，有團體(至少25人)入座。我估計有事先通知店員（因為店員呢5分鐘都有安排緊枱凳），結果我同朋友就坐咗喺近中間嘅位置，旁邊不停有人出入走嚟走去，感覺好唔自在。如果店員事前同我哋講一聲有團體聚會，或者我哋會轉食外賣。*奶醬心配乳酪雪糕 $64一刀切開，花生醬流心，非常甜膩。蛋糕係花生醬味，煉奶味淡啲，口感好似泥膠，感覺好差。乳酪雪糕微酸，口感似雪葩，論口感、質感，同心太軟都好唔夾。開心果心配乳酪雪糕 $68開心果醬味道超級濃，冇奶醬咁甜膩，蛋糕嘅開心果味比想像中淡，口感都係一般，有啲似食麵包，配乳酪雪糕都唔夾。