Grand Central Bar & Grill (Closed)

黎到 Elements 嘅Grand Central 用Entertainer main dish 買一送一！好彩被編排坐咗喺留上角落頭位，否則其他位置都幾嘈好難傾計。都未坐定就先order 杯happy hour，8點鐘last call。我地當然係先叫一杯再keep 一杯後上啦。叫咗個龍蝦扁意粉 Lobster shrimp & saffron Linguini 同 青口 Mussels。 龍蝦意粉唔錯，幾隻小蝦同埋爽口龍蝦肉。相反青口就普普通通，個汁太稀，反而將青口個包點落龍蝦意粉個汁度仲正！Sides 我地叫咗忌廉通粉同忌廉菠菜，兩個都係忌廉就有少少膩。最後上嘅朱古力心太軟就無得頂。以前自己學識整呢個甜品之後，就覺得街嗰啲一係太熟一係個味道唔岩。但係呢度嘅心太軟係我少有嘅推介。熟度岩岩好，唔會太多蛋糕，同時朱古力醬嘅甜味係岩岩好，同雪糕味係match 唔會比另一邊搶晒！不過，呢度嘅service 就麻麻，佢地好似好忙咁。叫幾杯水叫左成個鐘，叫過幾個waiter 先有。