Crafty Cow (Closed)

平日我就好少去港島嗰邊，今日因為約咗個客所以就去咗上環，見完個客心情麻麻地，客人醃尖腥悶要求多多，正當一肚悶氣時，經過呢間餐廳門口，被佢嘅裝潢吸引住，門面非常有氣派，反正有啲肚餓，就入去開餐，環境真係不錯，氣氛感覺舒暢，心情都立刻舒緩起來，座位寬敞舒適，擺設優雅又別緻，跟著胃口大開，即刻點食物，心情靚返，於是點了一杯 banana酒，還未端上枱已經聞到酒味陣陣幽香，頓時令你心曠神怡，當你輕輕呷一啖時，酒香直湧上鼻蕾，攻陷你整個腦袋，令你身體完全放鬆感覺，冇得彈，剛才的懊惱已全消。跟著梗係要醫下個肚皮，一個牛臉頰意粉，臉頰即係面豬登喇，零舍滑溜，牛味香濃，肉質幼嫩，肉汁豐富又蜜甜，大廚嘅手藝非等閑，意粉嘅製作都十分專注，煙煙靭靭，爽滑夠彈牙，全是真材實料絕無花巧。