浜松水產 (Closed)

放工後同朋友去呢間位於旺角新開張既居酒屋 - 浜松水產聚吓. 一試之後好食不得了,值得推介!梅象拔蚌極盛: 包括三文魚, 真鯛, 北寄貝, 帆立貝, 大拖羅,中拖羅,海膽以及象拔蚌刺身. 每款刺身都好新鮮, 即日空運到港. 而且刺身厚切,分量十足!蟹籽沙律: 同坊間其他蟹籽沙律略為不同. 浜松水產既蟹籽沙律係蟹籽蟹柳比例較多, 而青瓜同生菜分量比例較少. 連沙律都咁高cp值,值得一讚!黑毛豬肉餅: 外脆內軟, 外邊炸得香脆可口,入邊係黑毛豬肉餡同薯仔蓉,軟熟多汁得嚟又唔會有豬肉腥味. 系唔錯既餐前小食!七味牛舌粒: 牛舌切得比較厚身有質感,牛味比較濃郁.另外分量偏大,又係一道抵食既下酒菜.鵝肝多士: 鵝肝分量亦都令人滿意. 油脂豐富,入口即溶,而且潤味又唔會好濃. 拍得住坊間專門食鵝肝既高級西餐廳水準! 壽喜燒牛肉鍋: 主食鍋物嚟講相當足料! 湯汁較多,鍋內配料分別有: 肥牛, 魔竽, 冬菇, 本菇, 粉絲, 竹輪, 洋蔥, 金針菇等. 配上一碗白飯就更加好味!