Video
Read full review
2022-03-18
1195 views
全城大媽壟斷市場，全部職員轉晒？就連廚房師傅都要用普通話溝通？已經轉手？完全唔忙好冷清有位坐，夏天炎熱天氣係淡季？見無洛神花茶本身咩都唔想飲。見隔離枱兩條友飲可樂，最終食完都忍唔住飲半罐。可口可樂唔夠凍，只可以叫涼，唔係凍嘥氣！大媽問我要紅色定白色，我呆左幾秒接唔住。白色？有最新透明可樂那麼利害？再諗諗諗無可能，大媽您想講健怡無糖嗎？巨形貴妃蚌大辣，如果 OpenRice 可以有 10 粒星比，我比夠 10 粒！新出品貴妃蚌非凡脫俗，新鮮出爐熱到出煙，連蚌汁辣椒蒜蓉孜然粉絲掃落嘴！脹卜卜嫩滑爽彈鮮甜，燒得剛剛好，蒜蓉辣椒非常開胃惹味，好想叫多打食呢！還以為厚厚大舊肉，原來有半係蒜蓉，完全唔吝嗇，大大篤隊落去，勁惹味辛辣可口！少少甜少少孜然粉少少辣椒粉，跟蚌汁撞得精彩出色。滾燙地掃入口，熱都唔理喇，實在太好味，唔捨得攤凍去而影響味道。必須一滴不漏吸啜所有汁液落肚，精華所在美味到想行出門口大叫呢，好好味呀！珍寶扇貝中辣，都有段時間無搵串燒妹，當年串燒妹依家變成串燒姐。有位就留低，無位就有緣再見，路過有位，好啦好啦。識食一定要辣蒜蓉辣椒連蒜油全部掃入，滾燙的溫度使味道提昇至極。帶子甜撞香辣，
見無洛神花茶本身咩都唔想飲。見隔離枱兩條友飲可樂，最終食完都忍唔住飲半罐。可口可樂唔夠凍，只可以叫涼，唔係凍嘥氣！大媽問我要紅色定白色，我呆左幾秒接唔住。白色？有最新透明可樂那麼利害？再諗諗諗無可能，大媽您想講健怡無糖嗎？
巨形貴妃蚌大辣，如果 OpenRice 可以有 10 粒星比，我比夠 10 粒！新出品貴妃蚌非凡脫俗，新鮮出爐熱到出煙，連蚌汁辣椒蒜蓉孜然粉絲掃落嘴！脹卜卜嫩滑爽彈鮮甜，燒得剛剛好，蒜蓉辣椒非常開胃惹味，好想叫多打食呢！還以為厚厚大舊肉，原來有半係蒜蓉，完全唔吝嗇，大大篤隊落去，勁惹味辛辣可口！少少甜少少孜然粉少少辣椒粉，跟蚌汁撞得精彩出色。滾燙地掃入口，熱都唔理喇，實在太好味，唔捨得攤凍去而影響味道。必須一滴不漏吸啜所有汁液落肚，精華所在美味到想行出門口大叫呢，好好味呀！
珍寶扇貝中辣，都有段時間無搵串燒妹，當年串燒妹依家變成串燒姐。有位就留低，無位就有緣再見，路過有位，好啦好啦。識食一定要辣蒜蓉辣椒連蒜油全部掃入，滾燙的溫度使味道提昇至極。帶子甜撞香辣，擦出愛火花，無可抗拒的吸力！大帶子超巨型超好味。無需去日本鐵板燒花 $400 蚊食鮮靚扇貝，係串燒妹 $40 蚊有找，味道有過之而無不及，抵食夾大件，激讚滿分！超級多汁水潤，高質軟滑充滿海鮮味道，蒜蓉香噴噴，搞到我連汁都要倒晒落肚！
豆卜生根豬皮肥牛麻辣湯粉絲大辣，我覺得粉絲跟麻辣湯最夾，勁索汁又勁掛湯！越辣越興奮越好食！加埋豆卜、山根一樣係吸湯家族，啖啖都係麻辣湯，極度刺激無得彈！韮菜中辣，非常香口爽甜，原條續條食非常暢快。
雞中翼大辣，醃味濃有鮮雞味，外脆內嫩，仍保有點肉汁。切開雖熟得快，但大量肉汁流失。滿意香口嫩滑，居然燒到皮脆肉嫩勁多汁，您好野！菠蘿，甜甜菠蘿不夠熱。多春魚中辣，新鮮出爐燒得完整無爆開，魚春甘香，魚身外脆內軟。
金菇肥牛小辣，可遇不可求技術高超，燒得嫩嫩的，鬆化牛味濃，爽甜金菇撞香料，滿分出眾好味道。雞腎小辣，過熟乾硬，有雪藏味而沒有雞甜味。牛肋骨肉小辣，嚥韌帶肉汁，食得到牛甜味，食得到牛肉天然肉質。
豬紅生根枝竹冬菇蘿蔔麻辣湯粉絲大辣，蘿蔔有皮既？應該唔係渣，削得唔夠深，爽甜多汁多水。午餐肉金菇鮮魚腩響鈴麻辣湯粉絲大辣，午餐肉非常鬆軟綿滑，厚厚的咸香油潤。金菇麻麻地，太大束烚不透又吸不到辣汁。鮮魚腩有點腥都好滑，魚腩完整無散開，魚骨沒有散落四周。響鈴索汁超正，不過都係生根較香口，粉絲吸辣無得頂。
牛仔骨中辣，我肯定劃羊肉唔係牛仔骨，因為牛仔骨係最上，羊肉串係最下。我一心諗住羊肉可以用粉絲捲住食，依家希望幻滅！而且我只食 AAA 牛仔骨，唔食普通平價牛仔骨。最不幸因為係新黎大媽燒件牛肉乾比我，乾鞋到刮口，勁咸廉肥騰騰。要把肥膏咬掉先吞落得肚，還要我要掉落麻辣湯沖乾淨濕濕地先入口，浪費金錢浪費寶貴限額。
生根蘿蔔韮菜豬紅麻辣湯大辣，湯還湯、餸還餸，都無一齊煮過。白烚韮菜、白烚蘿蔔、白烚豬紅，最後倒個麻辣湯馬虎了事。豬膶枝竹韮菜豬紅麻辣湯粉絲大辣，勁辣勁麻勁香大麻辣湯，忍不住飲掉大半碗！自私獨辣一人前晚餐。豆卜生根豬紅肥牛麻辣湯粉絲大辣，辣能舒緩您的情緒！
肥牛魚腩韮菜麻辣湯粉絲大辣，減磅中忍唔住再去飲麻辣湯，罪過罪過！專登係點菜紙寫明走蔥走芫茜，再親口講多次叮囑走蔥走芫茜都係無走。次次粉絲都係索晒辣湯紅卜卜軟綿綿，依堆點解白雪雪爽口淡茂茂既？分開煮？搞錯呀！
生根肥牛豬膶冬菇麻辣湯河粉大辣，結實有咬口河粉不是綿滑類，乾硬鞋豬膶迷你細細片都出比我？生根索晒麻辣湯，鮮冬菇爽滑，肥牛鬆軟。大辣麻辣湯飲到嘴脣震震，額頭滴晒汗，全身發熱好鬼正！
韮菜豬紅麻辣湯大辣，韮菜不用辣湯烚，怕會太辣嗎？份量太多喇麻？比多幾舊豬紅我仲開心。豬血糕內外皆高溫熱騰騰，最憎外暖內凍，味道差天共地。滷水咸香已完全滲透豬紅非常入味，不腥不嗅不青，外層掛著薄薄麻辣汁。豬紅當然要連湯倒入口，係口內爆開跟麻湯混和，美味無比。
金菇蘿蔔生菜韮菜豬紅麻辣湯粉絲大辣，白白爽爽的粉絲沒有索汁不喜歡，煮耐一點吸收麻辣湯更濃更香更辣！馬友中辣，外皮有點咸不過勁酥脆，包著鮮嫩甜美白滑多汁魚肉，美秒魚味濃。
豆卜生根冬菇肥牛麻辣湯紅薯粉大辣，最低消費加到 $30 蚊碗，人家唔想食太多真係傷腦筋。已轉用細小豆卜？大粒索湯較強，而且外皮香口裡面有豆香更好食呢！生根有著濃濃油香嚥韌吸湯，肥牛中規中矩有牛味有嚼勁，鮮冬菇爽甜同樣索湯一流，食任何一種食材都充滿麻辣湯。大麻辣湯邊食邊覺得少點味道，只係得辣椒味好單調，食到差不多一半先發現無麻味既？無香料味既？原來沉係底，立即撈得徹底均勻，勁香勁辣勁麻就係依隻味喇！
早前係電視睇過紅薯粉係人手製作，超級辛苦費力花時間，用心血一點一滴蒸煮最後烘乾而成，真的巧奪天工！濕滑勁彈且掛湯的紅薯粉，跟麻辣湯天生一對。辣能使您有一點點愉快感覺！舒筋活絡精神爽利渾身是勁。灌下大半碗麻辣湯後，每次副作用發作都非常準時，四小時後就會開始肚仔作動的了。
蟹柳豬大腸生根鮮魚腩麻辣湯粉絲大辣，粉絲份量比以往少一半，就算食四餸都好似無食過野。蟹柳大陸貨紅 A 牌膠感十足，味道質地假到死。魚腩彈滑有魚味，豬大腸軟腍腍的，生根香口索汁不得了！
豆卜生根豬皮肥牛麻辣湯粉絲大辣
23 views
0 likes
0 comments
燒原條茄子中辣
13 views
0 likes
0 comments
雞中翼大辣
15 views
0 likes
0 comments
豬紅生根枝竹冬菇蘿蔔麻辣湯粉絲大辣
14 views
0 likes
0 comments
菠蘿
5 views
0 likes
0 comments
金菇肥牛小辣
7 views
0 likes
0 comments
午餐肉金菇鮮魚腩響鈴麻辣湯粉絲大辣
4 views
0 likes
0 comments
多春魚中辣
4 views
0 likes
0 comments
牛仔骨中辣
1 views
0 likes
0 comments
生根蘿蔔韮菜豬紅麻辣湯大辣
4 views
0 likes
0 comments
豬膶枝竹韮菜豬紅麻辣湯粉絲大辣
1 views
0 likes
0 comments
豬膶枝竹韮菜豬紅麻辣湯粉絲大辣
8 views
0 likes
0 comments
豆卜生根豬紅肥牛麻辣湯粉絲大辣
8 views
0 likes
0 comments
馬友中辣
4 views
0 likes
0 comments
馬友中辣
1 views
0 likes
0 comments
肥牛魚腩韮菜麻辣湯粉絲大辣
10 views
0 likes
0 comments
生根肥牛豬膶冬菇麻辣湯河粉大辣
4 views
0 likes
0 comments
巨形貴妃蚌大辣
4 views
0 likes
0 comments
巨形貴妃蚌大辣
8 views
0 likes
0 comments
巨形貴妃蚌大辣
7 views
0 likes
0 comments
韮菜豬紅麻辣湯大辣
0 views
0 likes
0 comments
韮菜豬紅麻辣湯大辣
2 views
0 likes
0 comments
金菇蘿蔔生菜韮菜豬紅麻辣湯粉絲大辣
2 views
0 likes
0 comments
珍寶扇貝中辣
1 views
0 likes
0 comments
珍寶扇貝中辣
3 views
0 likes
0 comments
豆卜生根冬菇肥牛麻辣湯紅薯粉大辣
9 views
0 likes
0 comments
豆卜生根冬菇肥牛麻辣湯紅薯粉大辣
12 views
0 likes
0 comments
豆卜生根冬菇肥牛麻辣湯紅薯粉大辣
5 views
0 likes
0 comments
豆卜生根冬菇肥牛麻辣湯紅薯粉大辣
5 views
0 likes
0 comments
蟹柳豬大腸生根鮮魚腩麻辣湯粉絲大辣
6 views
0 likes
0 comments
Post
