海膽仔

Open Now

Now Closed

中午同朋友去咗一間日式餐廳食飯，之前其實食過一次都覺得唔錯，所以今次再約朋友二訪此店，同之前一樣，午市時間嚟都特別多人。🔸和風水母 $58口感勁爽脆，配埋酸酸甜甜嘅柚子醋作為一道開胃菜夏天食非常適合。🔸帶子吞海膽 $98呢個係鎮店嘅招牌菜，每次都會必點，既厚肉又鮮甜嘅帶子，加埋甘甜順滑嘅海膽一齊食，實在令我回味無窮，一試難忘。🔸日本令和之怪物生蠔 $68x2怪物生蠔大大隻又肥美，口感順滑Creamy蠔味濃郁，點會唔令人愛上呢😍🔸日本北海道厚岸生蠔 $48x2呢隻口感同樣都好Creamy，海水味不太濃，好鮮甜。🔸松葉蟹雙重丼 $128有蟹肉、蟹鉗味道鮮甜，再加埋濃厚嘅蟹膏，這個丼飯好好吃😋配有味噌湯同埋和風沙律。🔸三文魚刺身 $68香港人台灣人都好鍾意食三文魚(鮭魚)，全部都厚切同埋夠新鮮。🔸甲羅燒配法包 $68甲羅燒香濃嘅蟹膏太邪惡，就咁食可能會有點鹹，配埋法包一齊食就可以中和返，好食。