錦麗 (形點 II)

Open Now

Now Closed

對我黎講，錦麗係冇食一排就會掛住嘅餐廳。而元朗呢間座位多，好多時候都要排一陣隊先入得，如果weekend黎食真係要避開食飯時間先得今次都係叫左必點嘅錦麗綜合粉，佢嘅材料好豐富，有齊生牛肉、熟牛肉和牛丸，比你試哂想食嘅野。  生牛肉同熟牛肉都好有牛味，好，但較為薄身，唔會有咩咬口。最鍾意都係牛丸，好juicy又彈牙。錦麗河粉係偏幼身，唔似得港式個種，同埋份量較少，女仔食都只係岩岩好，唔係太飽，都係要點小食食下。之前食過牛油雞翼，係比大好評! 今次試個大蝦扎肉米紙卷，有胡蘿蔔絲, 青瓜切絲，都幾新鮮爽口，不過就普普通通，冇咩特別。