甘味處鎌倉

Open Now

Now Closed

新界東嘅甘味處鎌倉FANS有口福喇，終於喺沙田新城市廣場一期見到佢哋！呢間來自日本嘅傳統甜品店，熱賣嘅不止係鎌倉蕨餅，仲有刨冰同蕨餅特飲，今晚一定要試多幾款！我哋試咗兩杯飲品，分別係期間限定嘅芒果乳酪蕨餅同芝麻蕨餅。芒果乳酪飲品甜而不膩，帶有濃郁嘅芒果香，微酸嘅味道更添真實水果嘅口感。至於芝麻蕨餅，則有一種香濃嘅堅果味，兩杯飲品都用蕨餅做底，口感豐富，味道各有特色。見到個刨冰咁大份，1份分享啱啱好。我哋點咗宇治金時，綠茶味唔算太強烈，冰質感幼細，入口即溶，配搭紅豆、蕨餅等伴碟，真係又好睇又好食。最後，我哋仲點咗盒鎌倉蕨餅，哇～每件份量都好足，綠茶粉超多，食落好滿足，加埋黑糖醬，味道更加出色。整體嚟講，呢間店嘅甜品質素都幾高，味道唔錯，大家如果有興趣，真係可以去試下！銅鑼灣希慎廣場同屯門市廣場都有甘味處鎌倉架。