蘇媽.蘇媽馬來西亞茶餐室 (Closed)

今日下午出開尖咀，經過見到啲間蘇媽蘇媽個門面都幾有特色，就入去試吓。其實之前都聽過啲間店，出名食馬來西亞菜，而且個肉骨茶都幾出名。一入去右邊係一個西餐酒吧嘅格局（之後先知原來係另一間店叫蘇爸，唔通係兩公婆開嘅？😂）再行入去，就即刻好有馬來西亞店嘅風味，好有特色。佢個lunch set都幾抵食，由$62-88不等，比單單菜單係平左不少，而且包一杯飲品，仲可以加$38多個小食。我哋一行二人叫左個一字骨肉骨茶，一個椰香飯烤雞脾，加左3串串燒。辣死你嗎配烤雞脾 （$68）👍🏻👍🏻👍🏻👍🏻雞脾好嫩，皮夠脆，而且有一陣玫瑰酒（應該係🤔）嘅味，幾有特色。另外佢個斑斕椰香飯都係出色的，淡淡嘅斑斕帶點椰香，好清新，再加埋佢個秘制醬汁非常配搭。整體唔會好濃味or好油膩，我覺得幾適合女士。細肉骨茶一字骨（跟白飯）（$88）👍🏻👍🏻👍🏻👍🏻雖然lunch set係細份，但份量都唔算少。佢會先黎一碗肉骨茶湯，甜甜地好有藥材嘅味道（當歸），跟住會有一煲肉骨茶，有2大舊一字骨。肉好淋好入味，再配合秘制醬汁好好食。另外湯係可以添加的，值得一讚。美中不足係佢個湯本身唔太熱，再加上冷氣大，個湯好快已經凍左。個人覺得湯係熱