MAZ Thai & BBQ (Closed)

泰國菜唔一定要去到泰國食先至最正宗，喺灣仔就有間正宗泰國菜餐廳啦。有傳統同創意兼備嘅泰國籍廚師，仲有同樣對飲食質素有要求嘅老闆。呢度一到夜晚就化身小型酒吧，同朋友們一齊飲杯酒食泰菜最適合啦。古銅色嘅招牌相當吸睛，復古得嚟又帶出現代感。餐廳橙黃色燈光俾人好溫暖感覺，裝潢都好別緻，有長形吧檯同沙發座位，分別兩種唔同風格。即叫即做嘅，有熟蝦、木瓜絲、腰果、辣度仲可以自己選擇，加入指天椒味道更香濃獨特，醬汁甜鹹酸辣樣樣齊，係開胃佳品！呢份薄餅共有8件，2人共享絕無問題。餅底係用雲吞皮特製，焗完後更香脆，仲非常足料！榴槤蓉鋪滿整塊薄餅，配上檸檬皮碎有另一種味道。陣陣榴槤味撲鼻而來，小編聞到都流曬口水，食落香甜而不膩，榴槤迷必食！有豬肉、牛肉、雞肉各2串，可以一次過滿足大家唔同口味。如果唔食牛肉，仲可以同餐廳提出用其他肉串代替，服務認真貼心。成個拼盤小編最愛牛肉串，肉質唔會太乾身又嫩滑惹味有咬感，沾埋沙爹醬汁甜甜地，香濃美味。用泰國黑豆豉、香茅、辣椒加入少量酒炒成嘅醬汁，同肉蟹搭配恰到好處。辣蟹非常入味，啖啖蟹肉都充滿豉椒味，肉質好嫩滑，完全停唔到口。