鬼金棒

Open Now

Now Closed

講起拉麵🍜，大家又鐘意食邊間拉麵店？我自己就好掛住「鬼金棒」，總係念念不忘。呢度裝修別具特色，仿似身處於地獄一樣，挑戰非一般嘅拉麵！最吸引我既莫過於辣麻味噌湯底，入口時香濃又唔會死鹹。湯底仲加入山椒製成麻油同多款辣椒🌶️，所以先有一股辣味直衝喉嚨，口腔再慢慢發麻，好過癮🤪！大家可以按自己喜愛，選擇湯底「辣度」同「麻度」，岩哂大家嚟挑戰下😋！我平時好少食辣，就試左「少麻。少辣」都🆗，下次可以試下「中麻。中辣」🥰！朋友就揀左呢款「味玉辣麻味噌拉麵」，除左有芽菜、粟米仔🌽之外，仲有一舊厚厚叉燒，望落都幾多層肉，好肥美，食落都煮得軟腍入味👍🏻。朋友好鐘意糖心蛋，一咬開，杰身既蛋黃慢慢流出嚟，味道極濃郁😍！我就當然揀返我至愛—「芫荽辣麻味噌拉麵」。呢個海量既芫荽☘️真深深吸引住，食落好清新！浸落味噌湯底又另一種食法🙂。另外，我鐘意佢地拉麵係較粗身，食落腍身，仲都幾掛湯添！我真幾鐘意「鬼金棒」既拉麵🍜，辣度、麻度都可以自己揀🤪，無論你食唔食得辣都應該要試下！未食過就更加嚟試下～