Lex Coffee (Closed)

朋友一直都想去食「Lex Coffee」好耐，襯今日得閒就相約放工一齊去食個晚餐。入到黎叫咗班尼迪克蛋三文魚多士，碟上有少量芒果做襯托，造型十分精緻，多士上有煙三文魚、牛油果、同Benedict，啲食材好新鮮，十分不錯。意粉就叫咗虎蝦意粉，個意粉好有驚喜，忌廉配搭龍蝦醬，一啲都唔膩，個味道幾配搭虎蝦嘅鮮味，兩隻虎蝦都好大隻味道鮮甜， 如果份量多啲會更好。菜主就叫咗招牌安格斯牛排，牛排叫咗7成熟依然係好冧，即使係肉眼扒既牛味仍然好出， 有USA PRIME以上質素，令人印象深刻。最後叫咗個Tiramisu做總結，個甜品做得好出色， 食落有咖啡同冧酒嘅香味，重點唔會太甜，值得一試。