臺坊 (加拿分道) (Closed)

今日到尖沙咀買野，行經厚福街，見有間主打台式牛肉麵小店「臺坊」，鍾意台食的我，就決定入去食下呢度的招牌牛肉麵。 餐廳細細，約10-12個面牆坐位，每兩個位有隔板相隔。客人先到cashier點餐付款，食物會隨後送上。 香辣牛肉刀削麵$65上枱先聞到陣陣香辣味道，餸料有幾件軟腍牛筋、加厚身大大嚿的牛內，牛肉紋理清晰，炆煮得好軟化入味，刀削麵麵質彈牙，湯底入口香辣，非常惹味。 黃金茄子（跟餐加$26）外層薄薄的粉炸至金黃香脆，茄子軟腍唔油膩，加上肉燥撈拌，香脆熱辣，好味配搭。 蜂蜜柚子茶（跟餐加$8）柚子清甜，蜂蜜滋潤，清爽解渴。