Video
Read full review
2019-04-27
2037 views
喺首爾讀書嘅時候 ，認識的越南朋友成日話佢好掛住越南啲美食 。其中佢最鐘意食嘅係 Bahn Xeo （越式薄脆餅）.... 果陣佢成日俾啲相我睇 話真係好想食 。但奈何首爾淨係得啲韓化左嘅pho食... 離開左首爾， 自己返到香港都會掛念還在韓國讀書嘅呢位好朋友同記得佢成日講想食bahn xeo 。咁就喺上網睇下香港邊度有得食啦 。點知搵黎搵去 唔知係咪pho 太普遍 ... 搵左好耐先得呢間喺上環中半山區嘅越式小店 ，搵到有賣呢種越式薄脆餅嘅小店。呢間小店舖面唔大、座位唔多 ，大約坐得到十零廿個人左右 。開放式廚房嘅設計可以望到越南藉嘅女廚師烹調食物 ，總算係用盡晒店內嘅空間。入到去坐底後睇睇餐牌 ，搵到我想試好耐嘅越式薄脆餅就落單 。另外同行嘅外藉男友又話自己喺悉尼食過bun cha 好食好想食番 — 咁岩呢度又有！ — 咁就叫左呢兩樣 ，再加一杯凍越式練奶咖啡解渴。凍咖啡先到！ 好濃郁但又唔會太甜。冰涼透心！ 要知道越南咖啡多數係Robusta 而且經過dark roast 咖啡本身就係好苦 所以越式滴漏咖啡一般加勁多！ 係勁！多！ 練奶！去中和咖啡嘅苦味。 呢杯咖啡嘅甜味洽到好
呢間小店舖面唔大、座位唔多 ，大約坐得到十零廿個人左右 。開放式廚房嘅設計可以望到越南藉嘅女廚師烹調食物 ，總算係用盡晒店內嘅空間。
入到去坐底後睇睇餐牌 ，搵到我想試好耐嘅越式薄脆餅就落單 。另外同行嘅外藉男友又話自己喺悉尼食過bun cha 好食好想食番 — 咁岩呢度又有！ — 咁就叫左呢兩樣 ，再加一杯凍越式練奶咖啡解渴。
凍咖啡先到！ 好濃郁但又唔會太甜。冰涼透心！ 要知道越南咖啡多數係Robusta 而且經過dark roast 咖啡本身就係好苦 所以越式滴漏咖啡一般加勁多！ 係勁！多！ 練奶！去中和咖啡嘅苦味。 呢杯咖啡嘅甜味洽到好處，濃厚奶香又有咖啡嘅回甘。
登登！ 男友嘅bun cha hanoi先到 。Bun Cha Hanoi (河內式撈米粉 ) 一上檯男友已經話同喺悉尼嘅越南餐館食過睇落嘅好似... 河內撈米係分湯上 碗入面有烤過嘅豬肉同一啲青木瓜、甘筍、蒜頭等配料。湯汁微溫帶酸甜味，係用黎沾米粉食嘅 。香港炎熱嘅天氣，最啱食清新解膩嘅食物。呢個撈米很合我口味；）
等左一陣之後 我點嘅薄脆餅上菜喇！ 嗚哇！ 煎得好薄好靚啊！我等唔切要即刻摵少少黎試 ，餅皮薄得黎又有蛋味 仲要新鮮熱辣辣！ 個餅夾左啲餡： 芽菜、蝦、豬豬 及洋蔥。雖然有餡夾住 ，但個薄脆皮依然香脆。
我將薄脆餅同餡料加上一齊送上黎嘅芫茜 及羅勒葉 用生菜包著 沾左啲魚露醬汁黎食 。 噢！ 一啲都唔油膩 ，仲越食越想食！ 好快就成個餅食晒嚕～
店內有分男女洗手間，雖然好窄但好乾淨，又有洗手梘及抹手紙。
埋單210蚊 ，還好。唔算係太貴 因為成個香港可能淨係得佢有做bahn xeo.... 情有可原 哈哈
服務黎講 我要求唔高 有眼神交流有對答就pass 。
後記： 行出餐廳之後我send 左呢餐食物想俾越南朋友 佢竟然問我係咪去左河內哈哈 下次會再光顧～
Bye~
Post
