但馬屋 (V City)

Open Now

Now Closed

放假去咗V city行街，行過見到但馬屋呢個新出嘅蕃茄壽喜燒超級吸引，仲要係夏季限定，咁就係要試下！！5點幾拎定飛，行多陣6點半左右就入得！朋友唔食得牛，好彩呢到係一人一鍋，為咗就佢，我哋揀咗「北海道夢之大地豚放題套餐」！套餐除咗夢之大地豚肉，仲可以任食澳洲產長期穀飼牛、嚴選牛肉、丹麥皇冠豚肉。湯底將原粒蕃茄mix埋壽喜燒一齊煮，微酸嘅番茄配埋甜豉油湯底，出奇地好match！夢之大地豚肉味濃得嚟又無豬羶味，睇返資料，呢隻豬嘅膽固醇極低，包含咗維生素B1同埋膠原蛋白，營養價值好高！但馬屋嘅自助吧有好多唔同種類嘅季節性野菜，鐘意食菜嘅朋友一定好開心！食完咁多嘢之後梗係要嘆返個雪糕，呢到嘅Häagen-Dazs 雪糕都係任食架，而且啲味都唔係出面一般嘅味，我食咗士多啤梨紅桑子馬卡龍雪糕同埋芒果忌廉馬卡龍雪糕，十個正！