樂香園咖啡室 (Closed)

想喺中環搵個又平又快好食又飽肚嘅快餐真係好難，來來去去都係大x樂，大x活，美x嗰啲。中環中心樓下有一間長期多人排隊但係又好快嘅餐廳會係不錯嘅選擇。雖然佢好多人，不過啲人一食完就走，所以都去得好快。最多人叫嘅係叉燒炒蛋飯加奶茶，佢嘅炒蛋好有獲氣，又滑又有蛋香，叉燒絶對唔係乾爭爭無誠意嘅叉燒，而係半肥瘦而者燒得啱啱好嘅叉燒，連埋啲葱花一齊炒，加埋佢嘅甜豉油，真係絶配，多多飯都唔夠送呀！最後啜埋杯凍奶茶，又係滿足嘅一餐。