老媽拌麵 (屯門市廣場1期) (Closed)

同朋友講到台灣牛肉麵，數起了幾個來自台灣的品牌，老媽拌麵是其中之一，所以相約一齊去食晏。呢度嘅午市套餐包一碗麵、一杯飲品和兩款隔機前菜，其實都幾豐富架！🌟清燉半筋半肉牛肉湯麵（刀削麵）比起紅燒湯底清燉更突顯牛肉鮮味！牛肉煮得好淋但帶微微嚼勁，牛筋都好入味而且好淋！🌟台式甜辣醬捞金菇肥牛拌麵（刀削麵）甜辣醬放在麵下面，食之前拌一揀麵條馬上上色，即時帶起食慾，辣醬麻香味撲鼻好惹味呀！🌟金羅漢果海底椰海底椰湯飲得多，但整成飲品真係好特別！配搭金羅漢果清甜，食完碗麵飲啖馬上潤喉又止渴！🌟 洛神花茶味道正常酸酸甜甜好開胃，是另一推薦飲品！