Maki拉麵 (Closed)

油尖旺拉麵，除咗最出名嘅「一記」同「台記」，個人認為maki拉都值得入選三甲～同另外兩間店唔同，呢間係用最幼身的拉麵～本人揀咗「硬」，條條分明得來又有少少黏牙感，正～（不過如果鍾意沾麵個種粗身麵條既人就未必岩你啦）大愛櫻花蝦🦐🦐！令我非常驚喜嘅，係小店將櫻花蝦砌成厚厚的蝦餅，就算去到後期，上面個層仍然有一啲脆脆嘅蝦😍亦相當香口～平時喺一記食櫻花蝦湯拉，食完總係仲會見到零碎嘅櫻花蝦散落喺個湯，感覺好嘥🤣呢邊嘅蝦餅就唔會啦而個湯🍜佢算係比較唔油既，但係味道都好夠，有蝦嘅香味。*注意⚠️唔食得辣嘅朋友要三思😝另外，超重口味嘅人可能會鍾意再杰身d/油d既湯底～💁🏻‍♀️小店人客比較少，可能因為油麻地始終人流唔多。但店員都好細心，可以提供圍裙，期間又不斷幫我地加水😹我哋食嗰晚，咁啱有兩個女仔排緊隊食其他餐廳，但係又好得意咁淨係入黎maki拉麵借廁所😂店員都好好招待，我作為食客見到都有啲驚喜🤣希望大家經過可以入去試下，唔好淨係借廁所啦🌱雖然佢哋嘅洗手間都幾乾淨。