曼谷水門海南雞飯 (Closed)

星期六經過旺角通菜街，見到曼谷水門海南雞飯， 門口餐牌的價錢非常超值，好奇又為食的心態下即興一試。 小店細細間， 菜式有幾款， 一次過點了幾款，正宗水門海南雞飯$30、 泰式軟綿綿豬手飯$30、 青木瓜沙律$12、 芒果糯米飯$18、 咸檸七$12、 柚子蜜梳打$12。正宗水門海南雞飯～ 金黃色的雞皮， 囗感爽滑， 雞肉嫩口肥瘦適中，再把甜甜酸酸的醬汁整個淋下拌飯吃， 非常開胃。 粒粒黃薑飯， 加上香茅、班蘭葉和薑， 食落特別香。泰式軟綿綿豬手飯～ 豬手軟腍， 豬皮入口Q彈充滿骨膠原，去晒骨，食落啖啖肉，煮到好入味， 再加上秘製醬汁， 令到整碟豬手飯更加惹味。芒果糯米飯～香甜軟熟的糯米，配上香濃椰漿，還有超甜芒果， 美味的甜品。青木瓜沙律～ 青木瓜口感爽脆， 味道酸酸甜甜好醒胃。咸檸七～味道甜中帶咸，還有檸檬的清爽。柚子蜜梳打～ 柚子蜜的天然甜味，加上梳打水後攪拌， 感覺冰涼清新。每次到泰國必吃水門海南雞飯， 今次遇到這間性價比超高的小店， 餐具即用即棄夠衛生， 回頭率高。