Video
Read full review
2023-03-27
101 views
🍽芝加哥串燒酒場 (太和中心) (大埔)📍大埔大埔太和路15號太和中心地下37號舖同朋友黎大埔踩完單車，最好梗係搵間燒烤店同朋友吹吓水食吓嘢！今次我就嚟咗呢一間芝加哥串燒酒場，同大家分享一下。⭐️海鮮類🐟我哋今次嗌左XO醬燒廣島蠔(半打) ，鹽燒鮮白鱔串，香蔥燒蟶子皇。呢個係海鮮都好新鮮，特別想講一講嗰款鹽燒鮮白鱔真係必叫！ 白鱔鮮味好出，而且好厚身，上面加咗好多香蔥再加埋佢哋嘅秘製醬汁，真係好食到叫出嚟。⭐️雞肉類🐔雞肉我哋就叫咗雞軟骨棒，燒土匪雞翼，脆炸雞軟骨，鹽燒雞皮。特別推薦脆炸雞軟骨，雞軟骨炸到黃金色，咬落去好脆，有少少雞油係個口度彈出嚟，特別討我歡心。⭐️牛肉類🐮佢啲牛肉嘅選擇好有特色，我哋就選擇左招牌燒牛骨髓，燒汁牛小腸。我都係第一次食到燒牛骨髓，感覺好特別，咬落去嘅感覺好軟腍，好滑溜溜，上面加咗好多香蔥，真係令人回味無窮。⭐️豬肉類🐷豬肉我哋就食咗爆湯麻辣肉丸，炭燒豬頸肉， 蜜汁叉燒。個人大力推薦炭燒豬頸肉，炭香味好重，旁邊有少少微微嘅焦濃，肉質鮮嫩多汁，切勿錯過。⭐️蔬菜類🥒蔬菜我就叫咗翠玉瓜同燒大啡菇，而大啡菇真係有驚喜。大啡菇上面有雞蛋，培根同少少香蔥，咬落去口感豐富，大啡
📍大埔大埔太和路15號太和中心地下37號舖
同朋友黎大埔踩完單車，最好梗係搵間燒烤店同朋友吹吓水食吓嘢！今次我就嚟咗呢一間芝加哥串燒酒場，同大家分享一下。
⭐️海鮮類🐟
我哋今次嗌左XO醬燒廣島蠔(半打) ，鹽燒鮮白鱔串，香蔥燒蟶子皇。呢個係海鮮都好新鮮，特別想講一講嗰款鹽燒鮮白鱔真係必叫！ 白鱔鮮味好出，而且好厚身，上面加咗好多香蔥再加埋佢哋嘅秘製醬汁，真係好食到叫出嚟。
⭐️雞肉類🐔
雞肉我哋就叫咗雞軟骨棒，燒土匪雞翼，脆炸雞軟骨，鹽燒雞皮。特別推薦脆炸雞軟骨，雞軟骨炸到黃金色，咬落去好脆，有少少雞油係個口度彈出嚟，特別討我歡心。
⭐️牛肉類🐮
佢啲牛肉嘅選擇好有特色，我哋就選擇左招牌燒牛骨髓，燒汁牛小腸。我都係第一次食到燒牛骨髓，感覺好特別，咬落去嘅感覺好軟腍，好滑溜溜，上面加咗好多香蔥，真係令人回味無窮。
⭐️豬肉類🐷
豬肉我哋就食咗爆湯麻辣肉丸，炭燒豬頸肉， 蜜汁叉燒。個人大力推薦炭燒豬頸肉，炭香味好重，旁邊有少少微微嘅焦濃，肉質鮮嫩多汁，切勿錯過。
⭐️蔬菜類🥒
蔬菜我就叫咗翠玉瓜同燒大啡菇，而大啡菇真係有驚喜。大啡菇上面有雞蛋，培根同少少香蔥，咬落去口感豐富，大啡菇都燒得好多汁，好香培根味，真係好吸引。
⭐️飲品類🍻
飲品我同朋友各自叫左唔同嘅啤酒！
KIRIN(F.Z.)-Black Currant 同Magners Original Apple Cider！麒麟嘅黑加倫子啤面有一層軟綿綿嘅沙冰，味道有淡淡的黑加侖子味，酒味唔算好濃，好易入口，真係啱晒我地啲港女打卡 。另外一款嘅Apple Cider ，同樣酒既味道都比較輕，再淡淡的蘋果味，同朋友傾偈吹水就啱晒啦。
環境：💛💛💛💛🤍4/5
衛生：💛💛💛💛💛5/5
食物：💛💛💛💛💛5/5
價錢：💛💛💛💛💛5/5（$1113/2=💰556.5）
P.S.整體來講餐廳都唔算太光猛，好有氣氛同格調。啱啱到嘅時候仲有一大杯花生俾我哋食，如果咁啱有球睇就真係啱晒啦！ 下次嚟大埔可以考慮食下呢間咁有心機嘅串燒，一定唔會令你失望。
Post
