Video
Read full review
2018-05-27
576 views
今晚係歐聯決賽夜，西班牙班霸皇家馬德里大戰英超紅軍利物浦，咁矚目嘅比賽梗係要出酒吧睇先夠氣氛啦。場波凌晨兩點幾開始，漫漫長夜梗係先醫肚，再落酒吧飲幾杯傾吓波經等開波啦。為咗更應景，今晚特登去灣仔食西班牙菜醫肚，喻意食住皇馬。餐廳裝潢設計時尚，採用開放式厨房，見到幾位厨師落力烹調，更加食得滋味。【Daily Soup $48】今日嘅Daily Soup係蘑菇湯。少少糊狀一望就知味道濃郁，上面仲有一抹黑松露油，豐富咗成個湯嘅味道。【Seafood bisque $88】飲落蝦味濃郁，湯料有蜆同蝦。蜆都算大隻味道甜美，蝦就超爽彈。【Crab Popper $78】一客有四粒炸蟹肉絲球。蟹球上面係炸脆嘅羽衣甘藍葉，然後上下都塗咗層紅椒蛋黃醬。炸皮外脆裡面滿是蟹肉絲，紅椒蛋黃醬少少辣，整體食落幾惹味。【Cochinillo $248】外皮燒到啡色中帶少少金黃，皮薄又脆。豬脾肉質非常嫩滑又juicy，個人覺得比普遍較乾身嘅德國豬手好食好多。豬脾望落唔大隻但其實豬骨只佔小部份，而且係好厚身，真係啖啖肉。配菜係焦糖菠蘿，焦糖稍嫌薄咗啲但甜度適中，好過配薯條咁熱氣咁寡。【Seafood Paella $
為咗更應景，今晚特登去灣仔食西班牙菜醫肚，喻意食住皇馬。
餐廳裝潢設計時尚，採用開放式厨房，見到幾位厨師落力烹調，更加食得滋味。
【Daily Soup $48】
今日嘅Daily Soup係蘑菇湯。少少糊狀一望就知味道濃郁，上面仲有一抹黑松露油，豐富咗成個湯嘅味道。【Seafood bisque $88】
飲落蝦味濃郁，湯料有蜆同蝦。蜆都算大隻味道甜美，蝦就超爽彈。
【Crab Popper $78】
一客有四粒炸蟹肉絲球。蟹球上面係炸脆嘅羽衣甘藍葉，然後上下都塗咗層紅椒蛋黃醬。炸皮外脆裡面滿是蟹肉絲，紅椒蛋黃醬少少辣，整體食落幾惹味。
【Cochinillo $248】
外皮燒到啡色中帶少少金黃，皮薄又脆。豬脾肉質非常嫩滑又juicy，個人覺得比普遍較乾身嘅德國豬手好食好多。豬脾望落唔大隻但其實豬骨只佔小部份，而且係好厚身，真係啖啖肉。配菜係焦糖菠蘿，焦糖稍嫌薄咗啲但甜度適中，好過配薯條咁熱氣咁寡。【Seafood Paella $208】
食得西班牙菜一定唔少得西班牙海鮮飯，差不多每枱都有食。海鮮飯可選龍蝦汁或墨魚汁，我地揀咗龍蝦汁。海鮮飯鋪滿喺一個大pan，上面放咗蜆、蝦、帶子、魷魚鬚。帶子好大粒不過得一粒，要share，味道好爽甜。飯比較乾身唔夠軟，硬左啲，不過都充滿龍蝦汁味。【朱古力慕絲蛋糕$58】蛋糕朱古力味香濃兼口感香滑，配有佈滿曲奇碎嘅雲尼拿雪糕，啱晒炎炎夏日。
希望今晚愛隊贏波，不醉無歸。
Post
