Video
Read full review
2022-07-07
182 views
👍🏻慢煮黑毛豬配肉桂蘋果蓉 $78推介！睇賣相完全估唔到係咁軟嫩多汁！黑毛豬厚切大舊，表面燒得有焦香咬落好juicy，肉質非常軟腍，完全唔乾唔韌醃得入味甜甜地，最正係豬肉味好香🤤👍🏻蘋果蓉微甜，有淡淡肉桂味，配搭黑毛豬感覺幾清新不過個人鍾意兩者分開各自食多啲🤣一齊食嘅話蘋果蓉有少少蓋過咗豬肉香建議餐廳可以將蘋果蓉放喺旁邊味道：9/10性價比：8/10-👍🏻慢煮封門柳配自家製雜菌燒汁 $98封門柳肉感較重，慢煮至七成熟左右有嚼勁但咬落有肉汁，牛味好濃郁😛雜菌燒汁帶甜，味道偏向日式燒汁，唔會太濃味蓋過牛味份量就唔算好多，六舊厚切，不過呢個價錢都算唔錯啦味道：8/10性價比：8/10-👍🏻銀鱈魚西京燒 $118魚肉雪白好嫩滑，魚皮肥美有焦香燒到咇哂啲魚油出嚟，但完全唔腥，又無雪味不過要小心有少量魚骨西京燒味道帶甜易入口，配飯應該仲正🤪味道：8/10性價比：7/10-除咗主菜，定食套餐包飯麵、沙律同冷盤飯麵仲可以加$8配醬油蛋或明太子整體味道正正常常，係柚子紫薯青蘋果沙律幾有驚喜😙！紫薯泥口感軟綿，混咗柚子同青蘋果粒除咗紫薯嘅甜味，仲多咗份微酸雖然都幾飽肚，但完全唔滯，好清新👍🏻食完咁多肉食呢
推介！睇賣相完全估唔到係咁軟嫩多汁！
黑毛豬厚切大舊，表面燒得有焦香
咬落好juicy，肉質非常軟腍，完全唔乾唔韌
醃得入味甜甜地，最正係豬肉味好香🤤👍🏻
蘋果蓉微甜，有淡淡肉桂味，配搭黑毛豬感覺幾清新
不過個人鍾意兩者分開各自食多啲🤣
一齊食嘅話蘋果蓉有少少蓋過咗豬肉香
建議餐廳可以將蘋果蓉放喺旁邊
味道：9/10
性價比：8/10
-
👍🏻慢煮封門柳配自家製雜菌燒汁 $98
封門柳肉感較重，慢煮至七成熟左右
有嚼勁但咬落有肉汁，牛味好濃郁😛
雜菌燒汁帶甜，味道偏向日式燒汁，唔會太濃味蓋過牛味
份量就唔算好多，六舊厚切，不過呢個價錢都算唔錯啦
味道：8/10
性價比：8/10
-
👍🏻銀鱈魚西京燒 $118
魚肉雪白好嫩滑，魚皮肥美有焦香
燒到咇哂啲魚油出嚟，但完全唔腥，又無雪味
不過要小心有少量魚骨
西京燒味道帶甜易入口，配飯應該仲正🤪
味道：8/10
性價比：7/10
-
除咗主菜，定食套餐包飯麵、沙律同冷盤
飯麵仲可以加$8配醬油蛋或明太子
整體味道正正常常，係柚子紫薯青蘋果沙律幾有驚喜😙！
紫薯泥口感軟綿，混咗柚子同青蘋果粒
除咗紫薯嘅甜味，仲多咗份微酸
雖然都幾飽肚，但完全唔滯，好清新👍🏻
食完咁多肉食呢個沙律真係唔錯🤣
-
👍🏻花花世界(櫻花寒天玫瑰梳打) & 紫色世界(蝶豆花梳打) +$15
花花世界飲落有明顯嘅玫瑰花香，仲有唔少寒天啫喱
味道幾特別，不過就偏甜咗啲
紫色世界味道相對普通啲，因為蝶豆花無乜特別味，呢杯飲落似七喜，但夠凍夠汽好解渴
味道：7/10
性價比：7/10
-
📍#日嚐 @ccchill_houseee
大角咀大全街13號大同新邨地下A號舖
Post
