老壇子酸菜魚

Open Now

Now Closed

荃灣特別多平靚正既餐廳，呢日我地又去左荃灣覓食😋 呢間餐廳入面充滿咗濃厚嘅湘菜風味，鍾意食辣嘅朋友一定唔可以錯過🥰🥰呢度嘅招牌菜係酸菜魚，酸菜鱸魚魚肉鮮嫩，配上酸菜嘅獨特味道，酸酸咸咸，而且湯底仲有啲微辣，開胃得不得了，絕對係一個好選擇🐟剁椒魚頭又係招牌之一，香港好少地方有得食，魚頭大大隻，新鮮嫩滑，剁椒的香味充滿整個口腔，辣得來仲有一絲絲嘅香氣，真係忍唔住想多食幾碗飯😍酸蘿蔔炒牛肚亦都好有特色，牛肚炒得恰到好處，彈牙又爽口，搭配酸蘿蔔，既提味又解膩👍🏻最後，辣椒炒肉就更加唔使講，去親湘菜館都一定係必叫，辣椒炒得香口，肉質嫩滑，十分入味，又係送飯一流😋