麵館皇 (Closed)

天氣雖熱，但岩岩病好，係要食d 熱野同補野 補下身，驅下身體嘅寒氣。今次就試下新野，食手擀麵。手擀麵其實就係一種似刀削麵嘅手工麵，係香港並唔普遍，之前睇舌尖上的中國就有見過，但未食過，今日終於有機會試吓11點左右到，鋪頭人流唔多，環境光猛乾淨，坐得舒服。我試左個麻辣口水雞配手擀麵，口水雞不但麻辣，仲爽滑，唔肥膩。配有青瓜，一口青瓜，一口雞，辣完解辣再麻辣過，依種自虐係嗜辣之人先明白果種痛快😍😍😵😵🌶🌶。手擀麵上枱時還是滾燙的，好似「煲仔」麵。手擀麵每條厚度、粗幼不一，滑溜溜又有口感。