大渣哥茶記 (Closed)

週末又再外出懲罰黃店，今次食下午茶就唔使等位，填好資料同量完溫度即可入座。店員好快就幫我哋落好單，上食物速度都好快。黑牛黑麵 $52黑牛黑麵係全日供應嘅，可以揀公仔麵丶通粉或米線，隨餐會有埋丹麥多士，炒蛋/煎蛋及火腿。多士表面烘到脆脆地，而且好香牛油味。炒蛋就炒得比較熟，味道都偏淡。收嗲（沙嗲）鮮牛肉公仔麵嘅牛肉都唔少，而且肉質幾嫩滑，沙嗲汁好多，味道好濃郁，公仔麵軟硬度適中。整體來講，食物質素都屬中上，下次會想再試埋其他食物，再嚟支持呢間香港人的茶餐廳。