玩具小屋咖啡室 (Closed)

之前都黎過好多次 都keep到水準！！最抵讚係佢會轉menu (lunch，dinner，同飲品都會不定期更新) 黎左幾次都食到好多唔同野真係食極唔厭!!今次主要想講拼盤 之前幾次朋友都話太熱氣唔肯食 今次佢地口痕 終於得償所願！！！嗌左海鮮拼盤！好熱氣呀，不過真係好好味 首先講下啲炸粉，一啲都唔厚唔硬，超級鬆脆，魚手指同炸蝦完全冇雪藏味，炸蝦同魷魚都好彈牙爽口，魷魚仲有成8舊！！超多重點登場：軟殼蟹！食個時勁方便（軟殻連殼食）點埋佢隻蛋黃醬真係好好味，呢個價錢呢個味道係超哂班，可惜既係只有一隻真係唔夠喉食完呢個又想叫埋小食拼盤飲多2杯涼茶清熱！即叫即炸 全部都脆卜卜！薯格好味過kfc個d勁多 啲炸雞翼既味到岩岩好 唔會話好咸好乾 食個時有好多肉汁留出黎！好好味個炸芝士單食有少少漏，我會將佢捲住雞翼一齊食，可以拉芝食到最後，個薯餅真係食唔落可能飽得濟，覺得薯餅較為普通。 不過真係可想而知個份量有幾咁多！食小食食到飽。