龍點心 (中達大廈)

Open Now

Now Closed

🔖歎世界燒賣拼盤 HKD70包括6種特色燒賣，有冬蔭功泰辣燒賣、黑蒜帶子燒賣、俄式羅宋燒賣、芝士墨魚燒賣、泡菜蒜辣燒賣、黑松露珍香燒賣。燒賣蝦味香濃，而且各有特色。冬蔭功同羅宋燒賣都會爆汁，黑蒜帶子香甜，芝士墨魚濃郁、黑松露燒賣連皮都充斥松露香，非常有特色同創意🔖肉鬆馬拉糕 HKD38馬拉糕鬆軟，口質似cupcake，蛋味香濃。上面灑有大量肉鬆、海苔、芝麻，令味道更好，有層次。而且海苔、芝麻口感脆脆，更有口感🔖馬拉小籠包 HKD48小籠包味道較濃，其中一粒嚐到肉饀包有蒜粒。皮薄多汁，整體味道不錯🔖厚切叉燒腸粉 HKD48味道上同叉燒腸別無二致，但皮薄、叉燒肉厚香口、豉油甜甜，整體配合起嚟，味道不會太濃太鹹，味道幾好🔖臘腸潤腸蒸雞飯 HKD58臘腸潤腸好香，整碗飯都充滿臘腸香味，而蒸雞好嫩滑，淋上豉油，飯香甜鮮美，雞香滑鮮甜。非常好味🔖奧利給登頂雪山 HKD88邪惡過份的甜品，以朱古力雪花冰、蒟蒻為底，加上大量嘅Oreo餅、忌廉，以焦糖餅、朱古力脆餅同百力支點綴。雪花冰味道非常濃郁，入口滿滿嘅可可味，淋上奶，口感濃稠，朱古力更為香濃，食後簡真係大滿足，即時消暑