開餐 (Closed)

一早已經想幫襯呢間小店好耐.但又唔想假日人頭湧湧出街.最後終於等佢開咗旺角分店同埋平日放假就去支持一下😊差唔多兩點去到等咗5分鐘到就可以入去，其實餐牌都有好多嘢食選擇，普通茶餐廳賣嘅食物都會有、日式又會有，最後就揀咗想過口癮好耐嘅🌟酸菜魚湯河🌟.🌟五大素球🌟.同埋🌟醬油豬軟骨飯🌟。首先個🌟酸菜魚湯河🌟，魚嘅份量比想像中多，愈食愈feel到個辣味，如果唔食得辣嘅朋友最好好問問有冇得少辣。⭐️醬油豬軟骨飯🌟,,,本身對佢冇咩特別期望，點知個豬軟骨有驚喜，送飯一流，朋友全部白飯都食晒，哈哈。最後order咗個小食，名稱係🌟五大素球🌟，好特別。個甜甜酸酸嘅汁撈埋一齊好好食，食肉獸嘅我表示好滿足😍飲品就可以跟餐加十蚊換到一支💛圓玉杞子蜜 💛同埋💛胎菊花蜂蜜💛，兩款都好好飲，好解渴，感覺仲好健康養生添。個水樽仲可以帶走重用，超級抵！總括來說，呢個午餐食得好滿足。下次一定會再嚟試其他食物😋..