貝‧料理 (Closed)

❤️時令貝蕃茄野菜沙律🥗鮮甜赤貝，清爽鮮味，配合清新日式沙律菜，好開胃嘅starter。🧡帶子貝伴日本漬物帶子貝煙韌有口感，而且有海鮮甜味，非常配合漬物。今日嘅漬物用上麵豉醬，帶子貝中和鹹味，麵豉醬又提鮮帶子貝。💛季節貝湯師傅用上日本海蝦頭、元貝熬煮。第一啖仲以為係龍蝦湯，不過飲落就分得出無龍蝦湯嘅死鹹，湯味雖然都濃郁但隱約飲到有海鮮清甜。仲有日本豆腐粒粒，香滑口感配湯一流。💚日式清酒煮規餐廳用馬刀貝，以清酒、昆布煮開。我覺得湯比較鹹，清酒煮完保留左少少酒香甜味，令蜆肉顯得更鮮味。而且隻隻馬刀貝都吸收左湯嘅精華，啖啖都咁滿足，食落更甘甜。💙鐵板燒龍蝦師傅用牛油🧈，柚子胡椒煎開邊龍蝦，牛油滲入龍蝦肉中，令肉質更juicy，而本身新鮮嘅龍蝦，不用太多調味已經鮮甜彈牙。💜貝炒野菜鐵板炒出來嘅野菜特別翠綠爽口。🤎鐵板燒貝類炒飯日本珍珠米，炒出來粒粒分明又軟糯。配上貝類，雞蛋，鮮葱，熱辣辣又香噴噴，真係想食多碗。