屋子生活 (Closed)

之前踩單車經過見到呢間日系咖啡店，落地玻璃，好靚好有格調趁放假就過嚟坐坐，餐廳樓底高，空間感大令人感覺好舒服。另外有坐地榻榻米座位可選，彷如去了日本旅行，一忘煩囂嘅生活。餐廳除提供單點食物外，亦好貼心咁提供套餐，我同朋友就各自點一個餐再加甜品，大滿足！冷．溫配菜🥢大葉餃子 - 餃子煎到香脆可口，以大葉包裹，香味清爽🥢木魚花玉子燒 - 口感紮實加上甜滋滋嘅味道，溫配菜首選料理 + 米 飯．麵🥢鮭魚味噌烤+醬油蛋拌飯 - 原條鮭魚啖啖肉，烤後香口惹味。配一碗醬油蛋拌飯，享受一下日本國民級食物嘅味道🥢日式咖哩豚扒+明太子拌飯 - 炸脆後嘅豚扒香脆肉嫩，配日式咖哩醬，特別好味。加一客明太子拌飯，鹹鹹辣辣，份外惹味！湯🥄滑子菇白味噌湯 - 日本嘅國民湯水，這裡做得不會太鹹飲品🥃烤奶蓋珍珠咖啡 - 奶蓋充滿鹹香芝士味，加上珍珠同咖啡做底，幾個層次嘅味道混合，我會推薦呢杯飲品！🥃焙茶奶蓋茶 - 奶蓋充滿鹹香芝士味，焙茶味香濃，喜歡焙茶嘅不能錯過！甜品🧇抹茶白玉雙層華夫 - waffle造型不似坊間嘅格仔餅款，面頭加咗幾粒日本白玉，口感Q彈，而抹茶味亦非常濃郁，幾適合作餐後甜品