Video
Read full review
2019-05-25
295 views
滂沱大雨的晚上， 收咗工唔想周圍行，最啱就係搵間舒服嘅餐廳，同朋友傾下偈， 享受一頓豐富的晚餐。呢一間《Spark Bar & Restaurant 》 位於雲咸街LKF29 大厦， 行上少少斜路樓梯， 對面就係中環藝穗會。呢一間餐廳每逢星期五都有live band駐場， 聽聞仲有機會遇到C all Star添， 一路聽下輕鬆嘅音樂， 一路飲番杯， 嘆返一餐高質素嘅晚餐， 實屬享受人生。點菜後， 侍應便會遞上自家製嘅餐包， 香草蕃茄包摸落暖笠笠， 而且非常軟熟， 滲出陣陣香草氣味，伴以芳香嘅橄欖油， 簡單美味。呢間餐廳嘅食物質素，無論係味道或者擺盤方面都非常高質素。 呢一款前菜《Cuttlefish》， 係呢度嘅招牌菜式。 薄切嘅墨魚爽口彈牙， 配上帶有鹹香嘅明太子醬泡沫，加埋鮮甜嘅海膽，以及鹹鮮嘅三文魚子， 就如將整個海洋放入口裏面。 墨魚非常之新鮮爽， 而且味道濃郁，海膽creamy， 喺口入面溶化。另外一款廚師推介的前菜《18 hours Sous Vide Prime Short Rib Tempura》 係一款西日fusion的菜式。 將美國頂級牛小排用慢煮的方法烹調十八個鐘
呢一間《Spark Bar & Restaurant 》 位於雲咸街LKF29 大厦， 行上少少斜路樓梯， 對面就係中環藝穗會。
呢一間餐廳每逢星期五都有live band駐場， 聽聞仲有機會遇到C all Star添， 一路聽下輕鬆嘅音樂， 一路飲番杯， 嘆返一餐高質素嘅晚餐， 實屬享受人生。
點菜後， 侍應便會遞上自家製嘅餐包， 香草蕃茄包摸落暖笠笠， 而且非常軟熟， 滲出陣陣香草氣味，伴以芳香嘅橄欖油， 簡單美味。
呢間餐廳嘅食物質素，無論係味道或者擺盤方面都非常高質素。 呢一款前菜《Cuttlefish》， 係呢度嘅招牌菜式。 薄切嘅墨魚爽口彈牙， 配上帶有鹹香嘅明太子醬泡沫，加埋鮮甜嘅海膽，以及鹹鮮嘅三文魚子， 就如將整個海洋放入口裏面。 墨魚非常之新鮮爽， 而且味道濃郁，海膽creamy， 喺口入面溶化。
另外一款廚師推介的前菜《18 hours Sous Vide Prime Short Rib Tempura》 係一款西日fusion的菜式。 將美國頂級牛小排用慢煮的方法烹調十八個鐘， 令到肉質變得軟熟。 大廚創新地用紫菜包裹住慢煮牛肉， 然後再沾上天婦羅炸漿， 令外層炸得香脆， 入口鬆化。 紫菜和牛肉出奇地配搭， 牛肉嘅騷香配上紫菜嘅脆卜卜， 再點上日式燒汁， 係一道非常出色嘅fusion菜式。
主菜方面， 非常推介呢一款《Slow Cook Iberico Pork》。 一向都對西班牙的伊比利亞豬印象良好， 伊比利亞豬肉質嫩滑多汁， 而且肉香， 而且肥瘦適中。 慢煮方法令伊比利亞豬的優點發揮出來， 經過香煎之後外層變得焦香， 配上酸蘋果片， 平衡咗豬的油膩感， 酸酸甜甜的感覺加上肉味令人欲罷不能。 另外的南瓜蓉夠creamy， 南瓜蓉比起薯蓉更加香甜， 呢一度煮菜品質相當之高， 難怪成為廚師推介。
呢一間餐廳氣氛良好， 星期五嘅晚上又可以聽下柔和嘅音樂， 除咗飲番杯之外， 仲可以品嘗到高質素嘅食物， 難怪得到相當多嘅好評。
Post
