Video
Read full review
2021-09-21
18 views
星期日約咗朋友行觀塘，諗住搵一間cafe食個lunch，就見到呢間位於觀塘工廈，食日法fusion菜嘅Cafe，於是就book位試吓😆一入到去，見到成間Cafe好文青，周圍都放滿乾花裝飾，咁啱我同朋友坐到靚靚打卡位✨燒羊肉 牛油炊飯配忌廉咖喱醬 ($128)肉質鮮嫩，燒過嘅羊肉有煙燻嘅味道，咬落都幾軟稔，配埋忌廉咖喱醬幾特別，好開胃🤤配菜有西蘭花，而牛油炊飯充滿奶油嘅香氣😌 入面仲有紅莓乾，層次豐富~香煎北海道和豚配洋薏米 燴野菜 黑蒜汁 ($158)香煎過嘅和豚肉肉質爽口，而且好juicy，咬落去超級有滿足感🤩但又唔會覺得油膩，配有日式嘅燴野菜，例如有蓮藕、青豆、香菇，而黑蒜汁都好惹味，但我覺得和豚肉唔加汁都好夠味🤤法式多士($88)大家如果嚟一定要叫呢個法式多士🥰炸得金黃色，入口鬆軟，好香嘅蛋香味，好鍾意佢軟綿綿嘅質感💕店員介紹呢個法式多士係用牛奶同雲呢拿浸咗一晚，然後再搽楓糖漿，平時食甜品就最怕膩，但佢甜而不膩，可能因為加埋cream同雲呢拿雪糕，擺盤好靚，最啱用嚟打卡😉芒果乳酪沙冰🥭($58)份量好足夠，飲落去唔係人工嘅芒果味，好開胃，好清爽朱古力奶泡($48) 賣相吸引，放咗
一入到去，見到成間Cafe好文青，周圍都放滿乾花裝飾，咁啱我同朋友坐到靚靚打卡位✨
燒羊肉 牛油炊飯配忌廉咖喱醬 ($128)
肉質鮮嫩，燒過嘅羊肉有煙燻嘅味道，咬落都幾軟稔，配埋忌廉咖喱醬幾特別，好開胃🤤配菜有西蘭花，而牛油炊飯充滿奶油嘅香氣😌 入面仲有紅莓乾，層次豐富~
香煎北海道和豚配洋薏米 燴野菜 黑蒜汁 ($158)
香煎過嘅和豚肉肉質爽口，而且好juicy，咬落去超級有滿足感🤩但又唔會覺得油膩，配有日式嘅燴野菜，例如有蓮藕、青豆、香菇，而黑蒜汁都好惹味，但我覺得和豚肉唔加汁都好夠味🤤
法式多士($88)
大家如果嚟一定要叫呢個法式多士🥰炸得金黃色，入口鬆軟，好香嘅蛋香味，好鍾意佢軟綿綿嘅質感💕店員介紹呢個法式多士係用牛奶同雲呢拿浸咗一晚，然後再搽楓糖漿，平時食甜品就最怕膩，但佢甜而不膩，可能因為加埋cream同雲呢拿雪糕，擺盤好靚，最啱用嚟打卡😉
芒果乳酪沙冰🥭($58)
份量好足夠，飲落去唔係人工嘅芒果味，好開胃，好清爽
朱古力奶泡($48)
賣相吸引，放咗輕輕燒過嘅棉花糖，朱古力味好濃😋
環境裝修文青舒服，簡約清新，感覺好放鬆，店員都好有禮貌，因為呢日係星期日假期，所以Lunch時間都好多人，而且店舖地方比較細，建議大家提早book位😆
Post
